Volleyball Association ta habri Campeonato Nacional di Volleyball

Diabierna awor lo cuminza...

ORANJESTAD (AAN): Aruba Volleyball Association (AVA) ta anuncia cu e Campeonato Nacional di Volleyball 2026–2027 ta cuminsa riba diabierna, 23 di oktober. E competencia ta habri cu volleyball femenino hoben, cu e categoria U-17 y U-19 riba e cancha.

   E prome weganan di diabierna ta cuminsa pa 6:00 p.m. na POVA. Riba diasabra, 24 di oktober, e categoria U-13 mixto y U-15 ta hunga cuminsando pa 2:00 p.m. na Compleho Deportivo Frans Figaroa, Noord.

   Programa di apertura: Diabierna, 23 di October: U-17 y U-19, pa 6:00 p.m. na canchanan di Club POVA.

   Diasabra, 24 di October: U-13 mixto y U-15 pa 2:00 p.m. na Compleho Deportivo Frans Figaroa, Noord.

   E weganan di ronda regular ta wordo hunga den formato best of 3 sets. E prome dos sets ta bai pa 25 punto. Si e resultado ta 1–1 den sets, un tercer set decisivo ta wordo hunga pa 15 punto.

   E weganan di diasabra lo sigui na Compleho Deportivo Frans Figaroa te cu 12 di December. Desde 15 di januari, e weganan di diasabra lo tuma lugar na Centro Deportivo Betico Croes. E categoria masculino y e categoria senior lo cuminsa na januari 2027.

   AVA ta invita hobennan, mayornan, famia, amistadnan y tur fan di volleyball pa bin mira e weganan y anima e atletanan. E campeonato ta un oportunidad pa e hobennan di Aruba mustra nan talento, disciplina y amor pa e deporte.

Prensa y publico ta bonbini pa cubri y apoya e Campeonato Nacional.