Un dia fenomenal di competencia di Karting di 'Road2Pro'

ORANJESTAD (AAN): Den fin di siman cu a pasa, tabatin competencianan fuerte riba e pista di Karting na Bushiri Karting Speedway.

   E biaha aki e competencia tabata "Road2Pro: Point Series 2025".

   E evento a wordo organiza pa Bushiri Karting Speedway y tambe Aruba Racing Academy, cu patrocinio di Jossy Motors.

    Diadomingo un biaha mas, tabatin un dushi ambiente cu caredanan di Karting, den diferente categoria, e.o. Categoria Rotax, Categoria Junior, Categoria ProX30, Categoria X30 Master, Categoria RS225 Light, Categoria RS225 Heavy, Categoria Mini.

   Cu apoyo di hopi fanatico, pa e drivernan e adrenalina tabata halto y competencia. Keda pendiente cu DIARIO lo trece otro siman e resultadonan.