ORANJESTAD (AAN): Diabierna pasa tabata tin un bunita y 7 colorido apertura di Copa Noord 2025 organisa pa Sv Royal Power Tat Fat patronisa pa Heineken.
Un total di 8 ekipo a desfila riba tono di New Generation Selection Brassband creando un dushi ambiente.
Despues di a pasa saluda e invitadonan Eltienne Yarzagaray a canta e Himno di Aruba mientras e bandera di Aruba a bay halto. Endy Croes presidente di e Comision Organisador a hiba palabra contando poco historia di Copa Noord y felicitando nos baluartenan alabes a gradici tur cu a aporta.
Copa Noord 2025 a wordo dedica na 4 baluarte kendenan tur tin nan propio merito den deporte y un contribucion grandi na Copa Noord. Den compania di nan famia a brinda nan e honor cu nan merese. Johannes Poy Flanegin, Alvaro Barrios, Samuel Nel Frank y Francis Arcaya. Sigur un momento historico. Despues a bay over na tira lot. Finalmente a lansa e promer bala unda Alvaro Barrios a pitcha, Poy Flanegin tabata e bateador, Francis Acraya a para catcher y Nel Frank a fungi como umpire.
Pabien na baluartenan, pabien na organisadornan di Copa Noord 2025 cual a cuminsa tremendo cu un asistencia record di publico.
https://diario.aw/categories/noticia/deporte/un-bunita-y-colorido-apertura-di-copa-noord-2025#sigProIdfceed75244
