Un biaha mas Palo Marga tabatin evento di StreetLegal

ORANJESTAD (AAN): Den fin di siman cu a pasa, un biaha mas tabatin competencianan hopi intenso riba pista di International Raceway Park Palo Marga.

   E ta demostra cu e deporte di motor ta sigui progresa, sigui crea interes, y sigur produci caredanan cu publico ta gusta un mundo.

   E biaha aki tabata trata di StreetLegal Competition.

   DIARIO Deportivo a haya sa, cu e ganador di Categoria Scooter ta Manuel Hernandez.  Na di dos lugar a keda Jarret Paesch.

   E ganador di Categoria Bike a bira Sion Werleman.  Na di dos lugar a keda Pierre Wever.

   E ganador di Categoria Car a bira Jorrick Rosel.  Na di dos lugar a keda Albertico Noguera.

   Un palabra di pabien na tur participante, publico, y organizadornan di e exitoso competencianan aki den fin di siman.