ORANJESTAD (AAN): Glennon Eights, organisador di Aruba Long Distance Triathlon a indica cu tur cos ta cla pa diadomingo 19 di November 2023 pa 7'or pa e start di e Aruba Long Distance Triathlon.
Esaki lo tuma lugar na Plaza Turismo/Nikki beach. E atletanan lo landa 1.9km, bicicleta 80km y core 18km pa asina completa un total di 100 km.
Eights ta avisa tur automobilista cu caminda entre Cas di Gobernador te cu Airport lo ta cera pa trafico ambos banda y di airport pa Pos Chikito, Green Corridor su North lanes nan tambe lo ta sera. Esta di San Nicolas pa Playa. Por crusa na e retonde nan. Lo tin polis y voluntario nan cu lo yuda e automobilista nan riba caya. Orario di ciere ta di 7'or di mainta pa 12'or di merdia.
Nan ta pidi poco pasenshi y tene cuenta cu por dura mas largo pa yega bo destinacion. Esey kiermeen sali poco mas trempan.
E kier a probecha pa gradici tur persona u a contribui pa haci e evento aki posibel.
