ORANJESTAD (AAN): Jeff Lopez, Presidente di RCA hunto cu e team tabata cla pa bula bay Corsou diaranson atardi pa
asina representa Aruba den e CFU Club Shield 2024 cu lo tuma luga na Corsou.
Como campeon di campeonato 2022 - 2023, e legendario organisacion deportivo, funda 15 februari 1934, celebrando 90 aniversario, lo ta entre e grandinan di Caribe.
Un total di 16 ekipo lo bataya cu otro den e formato "Do or Die" pa e titulo maximo, cu ta e "Champions League Cup" di region. Cu e "Sargento Mayor" Veron Albertsz na timon, den un staff completo, cu ultimo lunanan a hiba ekipo na "next level" cu un tremendo preparacion tactico pero tambe a traha cu un preparado fisico profesional.
Expectativa ta halto ora cu RCA topa nada menos cu e campeon di Jamaica Arnett Gardens FC diasabra awo 27 di juli pa 8'or di anochi.
Cu un victoria, tricolornan lo ta bek den bataya diamars 30 di juli. Ekipo tricolor di Solito tin un historia grandi, entre otro prome ekipo di Aruba pa sali campeon Antiyano, prome ekipo campeon Pais Aruba 1986 y campeon 2015 ABC na Bonaire.
Diaranson atardi famia y fanaticonan tabata na aeropuerto Reina Beatrix pa desea exito na e delegacion tricolor cu a biaha pa Corsou.
https://diario.aw/categories/noticia/deporte/tricolornan-di-solito-lo-representa-aruba-den-cfu-club-shield-2024-na-corsou#sigProId35463c1800