Torneo Caribbean 35 plus un biaha mas na Aruba

ORANJESTAD(AAN): Recientemente a tuma lugar apertura di e campeonato ‘Caribbean 35 plus’.

Organizador di e torneo Mila Martinus a splica DIARIO cu esaki ta di 10 biaha cu e ta wordo organiza.

Martinus a cuminza cu Caribbean 35 plus 12 aña pasa, pero debi na e pandemia di COVID e campeonato a wordo para 2 aña.

Awor e teamnan cu semper a participa di Aruba, Corsow, Sint Maarten, Boneiro y Hulanda un biaha mas a coopera y ta fiel na e campeonato.

Martinus a splica cu e campeonato internacional a wordo dedica na 3 persona, esta Hetty Herts, Tina Luidens y Hellen Vrolijk.

E weganan riba Diasabra a cuminza 10’or di mainta y durante transcurso di e dia mas wega a tuma lugar.

Presente den e torneo tabata entre otro ‘Nos Gozo Corsow’, St Maarten, Dutch Lions, Splash di Aruba, Bonaire Angels y Treasure New Era Corsow.

Otro dos ekipo participando na e torneo ta Rising Phoenix Corsow y Mi Deseo.

Martinus a splica cu tur aña e un di e islanan of Hulanda, ta haya un oportunidad pa ta anfitrion di e campeonato.