ORANJESTAD (AAN): Dos referee di Aruba, Terrence Tromp di 22 aña y Darvin Haseth, tambe di 22 aña,
a wordo selecciona pa participa den e 2026 CFU U-14 Challenge Series (Boys), cu lo tuma luga na Punta Cana, Republica Dominicana.
E torneo aki ta un evento importante pa e referee nan pa asina nan sigui desaroya nan habilidadnan. Ademas, e partidonan lo ofrece e oportunidad pa evalua e programanan di desaroyo di referee nan prome cu futuro torneonan internacional.
E competencia lo tuma luga for di 11 te 20 di augustus 2026.
AVB ta felicita su dos referee nan cu nan nombramento y ta desea nan hopi exito durante e torneo y ta sigur cu nan lo representa Aruba cu profesionalismo, dedicacion y orguyo.
