ORANJESTAD (AAN): Ya desde Diamars caba, y awe Diaranson, hungadornan di dos team di seleccion di Pony 8U ta biaha pa Marion (Illinois) na Merca,
pa representa Aruba na Merca den e torneo 2025 Pinto 8U International Baseball Classic.
No ta e prome biaha cu ekiponan di Aruba ta bay participa na e torneo aki di 8U Coach Pitch.
E 10 peloteronan di Team Oranjestad U8 cu tin e honor di representa nos isla y nan bandera den e torneo aki ta: Nathan Maduro, Osdin Croes, Gerzion Gonzalez, Liam Ruiz, Rushen Faria, Omaric Andrade, Zhaèr Thompson, Eduard Flanegin, Aiden Rodriguez, y Axl Wester.
E manager di e ekipo aki ta Edgar Flanegin, kende hunto cu coachnan, Jair Thompson, Arsan Wester, y Imro Gonzalez, lo lucha pa hiba nos muchanan te final.
Team Santa Cruz lo worde maneha door di Gregorio Geerman.
Team Oranjestad kier gradici tur nan sponsornan cu a duna di nan banda pa e team ta fantasticamente uniforma y ekipa. DIARIO ta desea e atletanan y coachnan hopi exito den exterior.
