Team di SV Estrella a batisa uniform nobo na VCC International

ORANJESTAD (AAN): Diaranson 12 di october, e ekipo di U15 di SV Estrella a batisa nan uniform nobo na VCC International den presencia di gerencia, hungadornan y staff di e team.

   SV Estrella Futbol a worde funda riba 1 september 1948 y ta consisti di diferente categoria cuminsando di muchanan bou 5 aña te cu e team di Division Honor, como tambe team di damas y seccion di veteranonan.

   Estrella su veld ta keda na Papilon, Santa Cruz y por bisa cu Estrella ta un di e teamnan di futbol cu mas historia na Aruba. Hopi deportista a forma den Estrella y cu awor ta ciudadano ehemplar.

   SV Estrella kier extende un danki na gerencia di VCC International pa cu e aporte na e team di hobennan cu ta practica deporte di futbol. Team U15 lo start e campeonato 2022-2023 e siman aki cargando orguyosamente e logo di VCC International y Exact riba nan uniform.