Team Aruba a bay Corsou pa e caredanan di dragracing

ORANJESTAD (AAN):  Diasabra e di dos gruponan pa loading, relaciona cu e Team Aruba cu lo ta representando nos bunita bandera di Aruba,

a haya e oportunidad di hinca nan vehiculo di Drag den container.  Esaki ta relaciona cu competencia di “Caribbean Pinks All Out 2024”, un competencia cu lo ta for di 25 di April 2024 te cu 28 di April 2024. 

                Aki por a mira e hermandad entre e coredornan, ya c' un tabata yuda e otronan. Por a mira te hasta con varios di e coredornan a bay cu motor, gearbox y diferente otro piesa di spare.

                Esey ta bisa bo, cu e intencion ta, pa duna un tremendo bataya contra e coredornan di hermana Isla di Curaçao.

                DIARIO ta manda palabra di hopi exito na e Team di Aruba aki, cu sigur lo bay demostra, con bon nos ta den e deporte di drag racing.