Tanto Dakota y tambe Estrella a gana weganan di Liga Honor di Oro den fin di siman

ORANJESTAD (AAN): Den fin di siman cu a pasa, a sigui weganan di segundo round di Campeonato Liga Honor Oro 2023-2024.

   Den oranan di anochi tabatin dos wega na Centro Deportivo Frans Figaroa.  Tabatin e wega di Division Honor unda SV RCA a bataya contra SV Dakota.  E wega aki a finalisa cu SV Dakota ganando e wega aki cu score di 1-0.

   Tambe tabatin partido caminda e team di SV Estrella a competi cu SV Riverplate.  E wega aki ta unda cu e team di Santa Cruz a probecha di diferente oportunidad, y asina SV Estrella a sa di caba e wega cu score di 4-1.