Taekwondo Team Aruba ta cla pa representa Aruba na TK5 Corsou

ORANJESTAD (AAN): Master Yoshmar Wever, coach di Taekwondo Team Aruba hunto cu e team di TK5 ta cla pa Corsou.

Den cuadro di eventonan organisa pa e Presidente di Curaçao Taekwondo Federation Master Ellon Donker, TK5 ta un evento anual y ta conta cu participacion di 6 pais.

Master Yoshmar Wever tin su team cla pa enfrenta paisnan participante na Corsou. Despues cu Aruba a gana e di 10 copa di TK5 na Surinam den luna di Februari di e aña aki, training a sigui pa e team. Master Yoshmar Wever a enfoca y a prepara pa Corsou, mirando cu Corsou semper tin bon bringado. 

Master Yoshmar Wever hunto cu e team di Taekwondo Team Aruba lo no laga Pueblo di Aruba na caya.