Taekwondo Team Aruba a wordo funda oficialmente na oficina di Notario Yarzargaray

ORANJESTAD (AAN): Recientemente Taekwondo Team Aruba a wordo funda oficialmente na oficina di Notario Yarzargaray.

Master Clifford Rasmijn di Brazil Taekwondo Stichting y Master Yoshmar Wever di Chaco Taekwondo Academy ta e dos trainer y coachnan cu lo guia Taekwondo Team Aruba den campeonatonan Internacional. Nan a haci curso y ta haciendo mas curso pa coach e atletanan di Taekwondo Team Aruba. Na tur campeonato oficial tin technical meeting na ingles. Den Taekwondo Team Aruba tin e technical advisornan y team manager.

E nomber Taekwondo Team Aruba a wordo crea den lobby di un Hotel na Miami durante un viahe cu a haci pa un competencia di Taekwondo na Miami.  

Tur atleta cu ta train cu Taekwondo Team Aruba lo viaha bao nomber di Taekwondo Team Aruba y nan lo representa Aruba. 

Master Clifford Rasmijn y Master Yoshmar Wever ta forma e teamnan pa representa Aruba den exterior. Taekwondo Team Aruba a haya dos invitacion caba pa representa Aruba. Training di Taekwondo Team Aruba a cuminsa na luna di Juli y ta train dos biaha pa dia y 6 dia pa siman.