Taekwondo Team Aruba a participa den e ETU Cross Training na Merca

ORANJESTAD (AAN):  Siman pasa e atletanan di Taekwondo Team Aruba tabata na Merca pa training cerca Master Antwuan Wilson. 

            Taekwondo Team Aruba a train hunto cu e team di Florida bou guia di Master Antwuan Wilson.

Despues Taekwondo Team Aruba a participa den e ETU Cross Training na Slam Miami cu a wordo duna pa varios trainer di e Estado di Florida. Entre otro Master Juan Moreno, dos biaha Olympic Silver Medalist, tres biaha Olympic Athlete,  tres biaha Olympic Coach y Olympic Program Consultant y Head Coach di Peak Performance USA. 

            Master Russell Beneby Coach di USA Taekwondo, Coach di Peak Performance Miami, Vice President di Florida Sport Taekwondo, Coach di USA University Team. 

            Despues di e Cross Training e atletanan di Taekwondo Team Aruba a competi cu e sistema electronico Daedo y KPNP. Un evento cu mas di 150 mucha di Infantil, Cadet, Junior y Senior. E ETU Cross Training a duna hopi fruto pa e team di Taekwondo Team Aruba cu ta preparando pa nan proximo evento internacional. 

            Taekwondo Team Aruba ta gradici Pueblo di Aruba cu a haci e biahe aki posibel. E team a logra recauda fondo cu entre otro e rifa di e Christmas Basket, donacion di varios automobilista y Sponser.