SV Dakota cu tremendo parada pa celebra titulo di campeon 2022

ORANJESTAD (AAN) – Presidente di SV Dakota, señor Croes, den un entrevista cortico cu DIARIO, a papia tocante e parada cu nan tabata tin Diasabra cu a pasa, pa celebra cu nan a bira campeon-2022.

E ta un tradicion, el a menciona, cu semper cu nan ta titula campeon ta haci un parada den cual tur e fiel fanaticonan ta participa, y no tabata diferente e biaha aki.

Diaranzon ultimo a empata cu RCA pero Dakota a gana su re-wega y asina nan a tene nan parada saliendo for di e bario di Dakota, curazon di Dakota, Centro di Bario y Deporte di Dakota, y a core rond Aruba pasa den algun bario estrategico, a subi Caya Betico Croes, pasa door di e rotonde di Santa Croes bay Piedra Plat, Paradera, Tanki Lendert, Tanki Flip, bin bek direccion Ponton, bay Companashi, De La Sallestraat, bin direccion Seroe Blanco drenta Dakota via Boulevard. Nan a sali hunto cu e hungadornan den un trailer grandi. Croes ta gradici tur esnan cu a sostene Dakota.