SV Britannia Damas a bira campeon di Aruba

ORANJESTAD (AAN): Diasabra atardi den Compleho Deportivo Guillermo P. Trinidad na Dakota, a tuma lugar e wega pa campeon di e Division Damas di Arubaanse Voetbal Bond.

   Un biaha mas, e dosnan cu casi semper ta enfrenta otro pa final, esta e team di SV Britannia Damas, y tambe SV RCA Damas a bay pa lucha pa e trofeo.

   Un biaha mas, e team di SV Britannia a domina e wega na un forma trankil riba veld, cu pasenan cu tabata yena cu precision y cada rato tabata yegando rumbo pa e goal pa asina purba na anota.

   Y e team di Piedra Plat a sa di anota tres goal tambe durante e anochi trempan caki.  Cu e victoria aki, un biaha mas e Trofeo di Campeon a bay pa e damanan di Piedra Plat, kendenan tabata hopi contento cu e victoria aki.