ORANJESTAD (AAN): Diasabra anochi sr. Rudolf Edwin "Dolfi" Werleman a ricibi reconocemento di Baluarte Deportivo di aña 2021
for di man di Minister Rocco Tjon. Dolfi a expresa di a biba baseball cu su alma y curpa. Momentonan cu sigur nunca mas e lo lubida y historianan cu semper lo keda graba den baseball di Aruba.
Dolfi su trayecto deportivo:
2020 – presente
Sr. Dolfi ta yuda organisacion di baseball di Brazil pa lanta e deporte bek den bario di Brazil.
2017
Na aña 2017 sr. Werleman a retira oficialmente for di baseball di Aruba como manager y dirigente, pero mester agrega cu semper Dolfi a keda yuda baseball di Aruba.
1994
Na 1994 a titula sub -campeon di Aruba su baseball y a bay como manager di seleccion di Aruba unda a representa Aruba den Latino Americano di baseball cu a tuma luga na Panama.
1993
Na aña 1993 a titula campeon di Aruba su baseball y a bay como manager di seleccion di Aruba unda a representa Aruba den Latino Americano di baseball cu a tuma luga na Panama.
1992
A titula campeon di Aruba su baseball cu South League y biaha como manager di seleccion di Aruba unda a representa Aruba den Latino Americano di baseball cu a tuma luga na Monterrey, Puerto Rico.
Na aña 1992 sr. Werleman a bira manager di Seleccion di South League y tambe a fungi como manager di Pepsi Cola baseball team.
1987
Na 1987 Dolfi a cuminsa como coach di Pepsi Cola baseball team ora cu su yiu a cuminsa hunga baseball y sr. Juan Maduro a acerca su persona pa e yuda como coach y asina e la yuda sr. Juan Maduro pa hopi aña.
E metanan cumpli pa sr. Werleman:
Di aña 1988 pa 1995, 7 aña consecutivo campeon di South League cu Pepsi Cola baseball team
For di 1992 – 1998, 6 aña consecutivo campeon di Aruba su seleccion di baseball South League.
Minister Endy Croes ta felicita sr. Rudolf Werleman cu e reconocemento Baluarte Deportivo 2021 danki pe dedicacion amor y aporte den e deporte di baseball di Aruba.
