Mildred Wever, Coordinador Weganan Escolar di IBiSA:
ORANJESTAD (AAN) Señora Mildred Wever- Coordinador di Weganan Escolar na IBiSA, den conferencia di prensa a splica cu e Aquathlon cu lo tuma lugar Diasabra 29 di November awo, tin e siguiente categorianan: Categoria 1, cu ta core 500 meter, landa 50 meter, y core 500 meter bek.
“Nos tin categoria 9-10, 11-12, 1 kilometer core, 100 meter landa, 1 kilometer core atrobe. Anto e tres categorianan cu ta sigui ta 13, 14, 15, 16 y categoria di docentenan. Esey ta core 1.5 kilometer, nan ta landa 200 meter, bolbe core 1.5 kilometer”, señora Wever a duna di conoce.
