Speedworld cu bo amigo Hubert ‘Furai’ Tiel, y e biaha aki cu un informe di hendenan amante di Motorsports, cu a bay hunga billiard.
Esey porque yes! Nan a demostra cu nan ta multifacetico y por domina mas cu un deporte.
Diadomingo a tuma lugar na T.T. Billiards & Sportsbar un encuentro di wega amistoso di billiard entre Aruba Muscle Car Club y Mustang Club Aruba. Na final di cuenta, e team di Mustang Club Aruba (MCA) a sali ganador.
E wega a termina 5-3 pa MCA cual Remi a gana e ultimo wega di e anochi pa nan a sali victorioso.
Den un combersacion cu esnan di Mustang Club Aruba, nan kier yama un danki na Aruba Muscle Car Club pa e encuentro amistoso nos a pasa un anochi hopi gezellig, un danki na gerencia di T T Billiards & Sportsbar y na Jason Kock cu a hunga un wega pa Mustang Club Aruba.
Sin lubida un danki na un y tur di e "Happy Family" Mustang Club Aruba y ganador nan di parti Mustang Club Aruba ta: Raymond Kock, Johan Farro, Pedro Ras, Jason Kock, y Remi Wever.
https://diario.aw/categories/noticia/deporte/speedworld-27oct2021#sigProIdd1a546601a
