Seroe Biento Boys MC ta anuncia su 2nd Rowley Memorial Ride 2022

ORANJESTAD (AAN) – Den un rueda di prensa reciente, Seroe Biento Boys MC, a informa tocante nan 2nd Rowley Memorial Ride 2022.

“Nos ta bay tin 3 dia di celebracion, cual ta e dianan 7, 8 y 9 October.

Diabierna 7 October nos lo tin nos Ride 4 Fun y nos lo sali for di Doble Down Sportbar y caba na Goza Bar.

Diasabra 8 October ta nos “meet & greet night” cu lo tuma lugar na Jo Ann Bar & Restaurant na Mahuma, unda lo tin un banda pa deleita nos cu su musica bailable for di 9 or di anochi.

Y Diadomingo 9 October nos gran 2nd Rowley Memorial Ride cu lo sali for di Italo Arubano pa 11 or di mainta nos lo core mayoria ruta rond di Aruba, y for di 9.30 or di mainta tur participante tin e oportunidad pa pasa tuma y come nan breakfast. Pa 5 or di atardi ongeveer lo ta nos final di ride unda nos lo caba na Jo ann Bar & Restaurant unda cada participante lo haya un cuminda y lo bay tin un banda pa acompaña nos y asina nos por disfruta di un dushi ambiente. Durante di e ride lo bay tin 3 stop unda na 2 di nan, nos lo hasi wega y gana bunita premionan.

Nos kier tuma e oportunidad di gradici tur nos sponsors, esnan presente y nos main sponsor. Y tambe anuncia cu parti di e fondo recauda ta pa beneficia e Fundacion ‘Ban uni man pa nos cria nos muchanan”.