Seleccion di landamento lo representa Aruba den PANAM Aquatics Swimming Championship

ORANJESTAD (AAN): Diamars 6’or y 15 di mainta Minister Endy Croes tabata presente na aeropuerto internacional Reina Beatrix pa saluda y desea nos seleccion di landamento exito.

            E seleccion ta competi den e 2022 Panam Aquatics Swimming Championship cu ta tuma luga na Trinidad & Tobago di 2 pa 5 di juni proximo.

            Un total di 17 pais ta compitiendo y e competencia aki ta sirbi como clasificacion pa e Weganan Panamericano Santiago 2023 cu ta tuma luga otro aña na Chile.

            Seleccion di Aruba ta consisti di: Czyaleah Lampe, Eva Kock, Genisis lacle, Liv Farro, Chloë Farro, Jayrick Winterdal, Ian Croes, Inald Fernadez Perna, Braynsly Dirksz y Arvid Farro. Como headcoach lo fungi Ismael Santiesteban mientras e guia lo ta Charissa Kock- Croes.

            Aruba ta viahando cu un seleccion relativamente hoben cu pa algun ta nan prome competencia internacional. Boso por. Ban pe!