ORANJESTAD (AAN) – Ayera merdia henter Aruba tabata pendiente di e wega di e hobennan mucha muher Girls U14
cu actualmente ta na Santo Domingo hungando den e CFU Challenge Series pa prome biaha y ya caba ta den final.
E hobennan aki a sa di sorpresa tur e teamnan di futbol cu nan enfrenta y a sa di bira campeon invicto di e torneo aki.
E wega final di ayera tabata den Feliz Sanchez Olympic Stadium na Santo Domingo, contra e team di Turks & Caicos caminda a sa di bataya deportivamente un biaha mas riba tereno di futbol y a logra gana cu e score di 3 pa 0 y asina bira campeon.
Un pabien na e mucha muhernan U14, na e coachnan, AVB y sin laga afor cu e mayornan cu a compaña nan yiu pa asina duna nan e sosten y animanan pa nan logra yega asina leu. Pabien Aruba.
E team di Aruba ta prepara pa yega Aruba awe pa 11'or di mainta.
