Sarah-Quita Offringa a conkista Fuerteventura PWA World Cup y a gana su di 24 titulo mundial

Un bes mas ta reforza su status como Reina di Windsurfing

ORANJESTAD (AAN): Sarah-Quita Offringa (Starboard / NeilPryde / Maui Ultra Fins) a cuminsa e dia na Fuerteventura PWA World Cup den e categoria di Women's Slalom X cu e man riba e timon den su buskeda pa e titulo mundial  No.24 despues di a gana cada un di e cinco eliminacionnan di ayera.

            E Queen di kitesurfing Aruba a demostra su poder un biaha mas, ganando cada un di e prome cuatro carera cu un gran diferencia.

             Offringa di 33 aña no a logra completa un di diez consecutivo, pero en realidad esaki no a importa hopi, pasobra el a termina e evento cu un record perfecto di 5.6 punto. Offringa un bes mas ta reforza su status como Reina di windsurfing despues di gana tur e cuatro eventonan unda el a participa durante e ultimo cinco siman.

            Riba potret por mira Sarah-Quita Offringa riba podio hunto cu su contrincantenan  Justine Lemeteyer (FMX Racing / S2Maui) y Marion Mortefon (PATRIK / PATRIK Sails).

            Masha pabien Sarah-Quita!