S.V Caiquetio a organisa actividad social pa su hungadornan

ORANJESTAD (AAN):  Diasabra ultimo S.V Caiquetio a tene un actividad social pa asina gradici tur su hungadonan cu a competi durante e campeonato 2023-2024.

            E actividad aki a tuma luga den mariners kazerne, caminda por a disfruta di un dushi ambiente banda di lama, come bbq, hunga domino y tambe haci algun wega di ekipo.

            E premio mayor di e actividadnan a bay p’e ekipo di Bryan, Dylan, Zen, Jeff, Kurt, Robert y Darwin. Na final di e atardi staff a reconoce 2 hungado cu a sobresali durante e campeonato, esta Litmar Lacle y Roderick Lampe.

            Litmar a ricibi e plakkaat como e hungado mas disciplina. Litmar ta presente na tur train y semper ta apoya su compañero pa yega veld pa train tambe. E otro plakkaat a bay pa e hungado mas valioso y esaki no ta niun otro cu e pilar den e defensa di Caiquetio esta Roderick Lampe.

             Roderick lampe cu su experencia tawata un piesa clave den coordinacion den e liña di defensa.      Na final coach Gillmar Werleman y coach Carlos Buera ta informa e ekipo cu Caiquetio no lo stop di train y lo sigui prepara p'e siguiente campeonato.