Royal Power Tat Fat a elimina Calabas Blue Jays 8-3

Nan a pasa pa e gran final di Copa Noord 2026

ORANJESTAD (AAN): Copa Noord 2026 organiza e aña aki pa Calabas Blue Jays y dedica na 5 Baluarte Lea Tromp, Maria Boekhoudt, Aldrin Boekhoudt, Julieta (Jeta) de Cuba Lenin Ashby a drenta su recta unda Diabierna anochi Royal Power Tat Fat ta elimina Calabas Blue Jays 8-3 pasando asina pa e gran final di Copa Noord 2026.

   Royal Power Tat Fat vs Calabas Blue Jays: Den un tremendo Partido diabierna anochi riba veld di Centro di Bario Noord Royal Power Tat Fat ta seya su ticket pa e gran final.

   Jomark Flanegin ta habri e partido pa Royal Power y ta cubri henter e ruta (7 inning) pa finalmente seya e victoria riba su nomber. Randy Paredes ta habri e partido pa Calabas Blue Jays ta bay cas cu e derota. Randy ta wordo releva den di 5 inning pa Roberto Vargas kende tampoco por a paga e candela di e muchanan di Royal Power.

   Royal Power Tat Fat ta pika dilanti 1-0 den promer inning y ta remolca 2 careda mas den cabez di 2 inning y ta bolbe anota un careda den cabez di 3 inning pa haci e wega 4-0. Den bom di 3 inning Calabas Blue Jays ta rally pa 3 careda haciendo e wega interesante 4-3.

   Royal Power ta rally pa 3 careda mas den di 5 inning y ta anota 1 careda inicio di 7 inning riba hit impuhador cu 2 out di e hoben Rayvon Loopstok cu ta drenta como pinch hitter. Boxscore final Royal Power Tat Fat 8 careda, 13 hit, 0 error. Calabas Blue Jays 3 careda, 10 hit, 0 error.

   Royal Power a bati como ekipo 33-13 pa un averahe 394 mientras Calabas Blue Jays a bay di 28-10 bon pa un averahe di 357. Mihor bateadornan pa Royal Power a resulta Jomark Flanegin kende a bay di 4-3 cu un doblete mas 2 rbi aportando engrande na su propio causa, Giandrick Lacle, Kelvin Silvania Eldrick Dijkhoff tur a bay di 4-2, Rayvon Loopstok di 1-1, Yeify Tuly Silva di 3-1 cu un doblete, Marvin Brown di 2-1 cu un doblete, Riangelo Richardson di 1-1.

   Pa Calabas Blue Jays a destaca na plato den causa perdi,  Maiker Pimentel( un di e mihor pitchernan na mundo den fast pitch cu titulo di mundial riba su nomber) a bay di 3-2 cu un doblete, Joshua Ramada 3-2 tambe cu un doblete, Randy Paredes 3-2, Jerrold Martijn, Alfred v/d Linden y Francis Kelly a bay di 3-1.

   Royal Power Tat Fat asina ta pasa pa di 2 aña consecutivo pa final di Copa Noord y ta keda enespera di e ganador entre Kudawecha Redskins vs Yoyo’s Power. Exito na tur ekiponan competiendo pa e titulo maximo di Copa Noord 2026. Pabien tambe na organizadornan Calabas Blue Jays pa e bunita torneo hinca den otro.