Rond di 70 atleta di scolnan prestigioso di Taekwondo di Aruba tabata hunto den fin di siman

ORANJESTAD (AAN): Diasabra pasa, POVA Country Club a tembla cu energia ora

Estrella Taekwondo & Martial Arts Foundation a organisa Topethon Star Performer Edition, un evento cu a surpasa tur expectativa.

            E evento a mira casi 70 atleta di scolnan prestigioso di Taekwondo di Aruba – Tiger Taekwondo Academy, Chaco Taekwondo Academy, Impact Taekwondo, Brazil Taekwondo, y por supuesto, Estrella Taekwondo Center – ta uni pa un demostracion excepcional di habilidad y deportividad.

            E evento a crea un atmosfera increible di camaraderia, cu atletanan y coachnan di diferente scolnan ta interactua, intercambia conocemento, y pusha otro pa duna nan miho rendimiento. E ta un berdadero testamento na e spirito unificador di Taekwondo.

            Un pabien grandi na tur atleta cu a participa y a mustra nan bravura, talento, y dedicacion durante e competencia. Nan presentacion remarcabel a haci Topethon Star Performer Edition un evento memorabel di berdad.

            Estrella Taekwondo & Martial Arts Foundation ta felicita grandemente tur atleta y coachnan pa nan presentacion excepcional.

            Estrella Taekwondo tambe ta expresa su gratitud mas profundo na su sponsor principalc u a haci e evento aki posibel.