Ride the Night a bati record cu mas di 300 bais riba caminda

Silvhyanne Vrolijk, representante di Hubada Cycling Team

ORANJESTAD (AAN): Silvhyanne Vrolijk, representante di Hubada Cycling Team a bisa cu despues di 4 aña, nan a dicidi di organiza evento 'fun' 'Ride the Night' pa nan miembronan y otro ciclistanan por disfruta.

Ride the Night a sali for di Fisherman's Hut y a termina mesun caminda pa un careda total di 14 kilometer.  

E evento tambe a wordo organiza pa recauda fondonan pa nan careda grandi cu lo tuma lugar dia 26 di september den un trail cu nan mes a traha. E lo tin diferente categoria, cu ta cuminsa na beginner's pa asina motiva mas hende pa participa den ciclismo.

Nan ta hopi contento di por wak un tremendo participacion, cu por cierto nan a kibra record, cu mas di 300 bais durante e evento. Segun Vrolijk, nan ta hopi satisfecho di por pick-up bek despues di e pandemia. Esaki ta motiva nan pa sigui organiza mas eventonan pa comunidad ciclista y esnan interesa den ciclismo.