Resultado di Pesista Ettel Boyce den Campeonto Panamericano de Mayores na Panama

ORANJESTAD (AAN): For di Federacion Panamericano di Hisamento di Peso, Aruba Amateur Weightlifting Association ta haya un invitacion pa manda

un atleta femenino pa participa den e Campeonato Panamericano de Moyores cu ta tuma luar na Panama fecha di 25 pa 30 april 2026. Mirando cu e nivel di participacion ta hopi halto.

   E federacion a pidi pa manda un atleta femenino  y cu nan lo cubri tur gastonan pa atleta y su coach.  AAWA a dicidi pa manda  e atleta Ettel Boyce hunto cu su coach internacional Yunel Caballero for di Cuba pa participa den e Campeonato Panamericano de Mayores

   Ettel cu a competi pa prome biaha den un Magno Evento asina a compete den categoria di 58kg cu un total di 13 atleta. Ettel  ta logra den su hisadanan den snatch 53kg y den clean and jerk 70kg pa logra un total di 123kg. Cu e total aki Ettel ta termina na di ultimo lugar pero  ta logra kibra su record personal cu 14kg.

   Aruba Amateur Weightlifting Association kier a gradici Federacion Panamericano de Levantamiento de Pesas pa cu e invitacion y ta manda palabra di pabien na atleta Ettel Boyce y su coach Yunel Caballero cu a participa pa prome biaha den un Campeonato Panamericano de Mayores di Hisamento di Peso na Panama2026.