Resultado di caredanan di Diasabra anochi na Palo Marga

ORANJESTAD (AAN): Manera cu a ser anuncia, e caredanan di Diadomingo dos siman pasa cu a wordo posponi debi na awacero,

a sigui riba Diasabra cu a pasa.  Y atrobe amantenan ferviente di deporte di motor tabata presente na International Raceway Park Palo Marga.

   E biaha aki e competencianan tabata fuerte, y sigur aki e reaction-time, dominio riba stuur, y cambiamento di speed na momento mas eficiente, a hunga un rol.

   Aki DIARIO ta presenta e resultado di e evento, y e ganadornan.

   Den categoria di Damas, e ganadora a bira Zulaika Thiel-Werleman.  Na di dos lugar a finaliza Ana Milena Lugo.

   Den categoria di Scooter, e ganador a bira Manuel Hernandez.  Di dos lugar a bay pa Raymond Tromp.

   Den categoria di Bike, e ganador a bira Randon Koolman.  Di dos lugar a bay pa Francil Arcaya.

   Den categoria di Car, e ganador a bira Jorrick Rosel.  Di dos lugar a bay pa Lorio Koolman.

   Masha pabien na e organizadornan, y na esnan cu a logra haya premio.