Resultado di Campeonato Nacional di Hisamento di Peso

ORANJESTAD (AAN): Diadomingo cu a pasa dia 27 oktober 2024  Aruba Amateur Weightlifting Association

a tene nan Campeonato Nacional di Hisamento di Peso cu a tuma lugar den Compleho Deportivo Frans Figaroa na Noord

            Den e campeonato aki a wordo hisa den categoria di  masculino y femenino Youth, Junior, Senior y Master. E clubnan cu a participa ta E2REP Fitness, Paradise Strength Aruba , TNT Gym y tambe nos por a wak  participacion di paisnan  Curacao, Canada y Cuba na e Campeonato Nacional.

 Por bisa cu  e atletanan  a competi bon mes y nan tabata hopi motiva  y varios di e  atletanan a sa di kibra nan propio record personal y varios di nan a logra bira campion nacional y a gana nan  medaya den nan categoria.

            Tambe Trofeonan a wordo entrega na e atletanan cu  a sali campion di Aruba den nan categoria di Youth, Junior, Senior y Master.

            Den categoria  di femenino Youth, ganador cu mihor Sinclair 215.85 ta e atleta Rory van Ulft di apenas 11aňa di edad for di Canada, segundo lugar a bay pa atleta  cu Sinclair 200.86 pa Caytlynne Lanoy di TNT Gym y Tercer lugar a bay pa atleta cu Sinclair143.84 pa  Chantal Mousalli tambe TNT Gym.

            Ganadornan den categoria di Senior na prome lugar cu mihor Sinclair 219.07, trofeo  a bay pa Nataly Geerman di TNT Gym, trofeo na segundo lugar cu Sinclair 125.35 a bay pa Ettel Boyce di E2Rep

            Ganador den categoria Master femenino cu mihor Sinclair 103.97 na di prome lugar pa Christy Rodriquez di PSA y trofeo na segundo lugar cu Sinclair 108.53 a bay pa Wendy Maduro di E2Rep.

            Den categoria di masculino Youth como ganador absoluto cu mihor Sinclair 293.85 ta e atleta Derrick Webb TNT Gym cu a gana e bunita trofeo y segundo lugar trofeo a bay pa Sean Maduro di TNT Gym cu un Sinclair 144.42.

            Den categoria masculino Senior cu e mihor Sinclair 327.63 trofeo a bay pa Laertes Araque di TNT Gym, trofeo na di segundo lugar a bay pa e atleta Ross Ismail di PSA cu Sinclair 237.75 y trofeo na di tres lugar a bay pa e atleta Osmar Bislip di PSA cu Sinclair 234.22

            Den categoria masculino Master cu e mihor Sinclair 279.88 trofeo a bay pa e atleta Rene Rudel di PSA, trofeo na di tres lugar cu Sinclair 268.30 a bira e atleta Lucas dos Anjos di PSA y trofeo na di tres lugar a bay pa e atleta for di Curacao Yhurisen Molenaar cu Sinclair 268.32

            Na final di e competencia a duna reconocimento na tres referee cu mas di dies aňa ta asisti den competencianan local. E tres refereenan ta Sr. Remigio Wever, Sergio Faro y Frederick Tromp.     Tur e tres refereenan a recibi un bunita plakkaat for di man di Sr. Hugo Themen  Presidente di AAWA y Soraida Boekhoudt Presidente di ASU.

            Trofeo y medaya a wordo entrega door di Director di IBISA Sr. Isnardo Faro. un atleta Olimpico den e deporte di Hisamento di Peso.

            Aruba Amateur Weightlifting Association ta manda palabra di gradicimento na tur atleta y club pa nan participacion y pabien tambe na tur e atletanan cu a kibra nan record personal y tur cu tabata envolvi den e evento aki ta e voluntarionan, entrenador y e publico cu apoya e atletanan te na final pa esaki bira uno exitoso.