Reshawn Nicholson a sali 'best overall fighter' di Ultimate Taekwondo Cup

ORANJESTAD (AAN):  Den fin di siman a tuma luga e ultimo clasificacion pa Best of the Best. E biaha aki a concentra ariba e atletanan infantil.

Varios atleta a duna di nan banda bringando contra otro y mustra tur nan abilidad di Taekwondo.

            Reshawn Nicholson di Chaco Taekwondo Academy tabata bou guia di Master Yoshmar Wever. Master Yoshmar Wever a coach Reshawn Nicholson cu a demostra con pa bringa Taekwondo di nivel contra tur su contricantenan. Na final di e competencia Zahyon Klaber a reuni cu e superiornan pa saca nan miho bringado y a scoge Reshawn Nicholson como e miho bringado di Ultimate Taekwondo Cup 2024.

            Master Clifford Rasmijn a felicita Reshawn Nicholson cu su logro di best overall fighter y Grand Master Marilu de Veer a entrega Reshawn Nicholson su premionan. Reshawn Nicholson a gana un copa y un set di Taekwondo completo consisti di sapato di Taekwondo, protectornan di man y pia di Taekwondo y un dobok di Taekwondo cortesia di e sponsor di e campeonato Ultimate Taekwondo Cup 2024.