Relahando despues di examen cu wega di Beach Tennis  

ORANJESTAD (AAN): E deporte di Beach Tennis ta sigui haya acogida na Aruba,

principalmente mirando e hecho cu aki algun dia lo tin competencianan internacional un biaha mas riba e beach na Bushiri.

   Algo creativo ta cu e dirigentenan di Colegio San Antonio MAVO na Santa Cruz, a dicidi cu riba Diabierna cu a pasa, y despues di a finalisa un periodo di schoolexamens hopi intensivo, mentoren di examenklas a laga nan alumnonan relax un poco na Beach Tennis Aruba.

   Pues tabata un bon momento pa lubida un tiki y kita stress di e ultimo simannan di siñamento.

   Awo ta cuestion di warda riba resultado y controla si kier haci un herkansing den un materia. Mientras tanto e di dos periodo di schoolexamen a cuminsa e siman aki tambe, incluyendo CP week.