RBC ta Sostene Aruba Chess Challenge 2026

Diesocho aña Fuerte:

ORANJESTAD (AAN): RBC Royal Bank (Aruba) N.V. (“RBC”) ta orguyoso di patrocina Aruba Chess Challenge 2026 un biaha mas. E evento, cu awor ta den su di diesocho aña, ta sigui crece y ta consolida su posicion como un di e eventonan comunitario principal riba nos isla.

   E torneo, organiza pa Aruba Chess Federation, ta reuni participantenan for di henter Caribe, America Central y Sur America, y tambe for di otro partinan di mundo.

   “Como Vicepresidente di Commercial Banking di RBC pa Caribe Hulandes y Country Manager pa Aruba, mi ta orguyoso di mira cu RBC un biaha mas ta sponsor un evento cu a bira un parti asina importante di nos comunidad,” Pierre Rafini a bisa durante apertura di e evento. “Esaki ta di diesocho aña di Aruba Chess Challenge, y e evento ta sigui crece.”

   Aruba Chess Federation, bou di direccion di su presidente Jose Pesqueira, a guia e evento cu un dedicacion remarcabel. RBC ta reconoce Pesqueira y tur e voluntarionan pa nan esfuersonan cu a haci realisacion di e torneo posibel.

   “Sr. Pesqueira a comparti cu Aruba Chess Federation ta sigui crece, cu participantenan cu ta bin for di Aruba, Bonaire, Corsou, Antigua, Jamaica, Bahamas, Colombia, Francia y Italia. Esaki ta un logro remarcabel,” Rafini a agrega.

   El a sigui bisa: “Ajedrez ta mucho mas cu solamente un wega pa strategiconan. E ta reuni hende y ta siña pasenshi, concentracion e confianza pa pensa vario movecionan adelanta — habilidadnan cu ta traslada hopi mas leu cu e tablet di Chess y cubriendo tur aspecto di bida. The Aruba Chess Federation ta describi su mes como “Aruba su gym pa mente”, un descripcion cu ta capta perfectamente e spirito di e evento.

   “Cerca RBC, duna bek na e comunidadnan cu e ta sirbi ta forma parti esencial di loke e organizacion ta haci. Sponsor Aruba Chess Challenge ta un manera mas cu RBC ta invertiendo den bienestar y desaroyo di e lugar cu e ta orguyoso di yama su cas.

   RBC ta desea cada hungado, voluntario y organizado lo miho durante e dianan cu ta bin y ta curasha tur participante pa hunga cu determinacion, hunga cu respet y disfruta di e experiencia.”