ORANJESTAD (AAN): Manera por corda, e di 16 edicion anual, 2022 Wente Vineyards & Papiamento Restaurant Golf Tournament
a tuma luga den luna di April, cual a recauda fondo pa un proyecto unico, JUMP 18. Esaki ta un iniciativa cu ta hopi necesario, enfoca riba prevencion di obesidad di mucha.
E programa a worde inicia aña pasa bao guia di pediatra Dr. Jamiu Busari di Dr. Horacio Oduber Hospital. Dr. Busari a lanta un team multidisciplinario dedica na maneho di prevencion di obesidad den nos muchanan. E proyecto a worde coordina por medio di Amy van der Linden, y sosteni pa Samantha Schwengle. E programa piloto a gradua 18 mucha exitosamente, y registracion pa e segundo ronda cu muchanan entre edadnan di 4 pa 18 ta cera cu dobel e cantidad di participante cu prome.
E expansion di e programa a worde haci posibel danki na e donacion generoso. Govert van der Hout, Arion White Company y Eduardo Ellis, Papiamento Restaurant, tabata tin e placer di presenta Dr. Busari y su team cu un donacion colecta cu ayudo di hungadonan di torneo di golf y patrocinadornan.
Na un encuentro casual, pool side, na Papiamento restaurant Dr. Busari a presenta e importancia di e iniciativa aki enfatisando cu bahamento di peso a bin despues, na e oportunidadnan educacional amplio cu e programa ta ofrece. JUMP 18 guia pa un team di profesionalnan medico hoben local a desaroya un curriculum di seis luna pa encurasha muchanan y mayornan pa mehora nan salud y nan bienestar. JUMP 18 ta pa yuda mucha y mayornan biba un bida mas saludabel por medio di re educa nan mes y reta nan perspectivanan di antes.
Durante e proceso aki, e acceso a worde crea pa mayornan y nan yiunan por re-descubri nan balor di berdad y asina haya un miho comprendimento tocante nutricion, ehercisio y salud. E programa ta promove 3 componente distincto den e participantenan, manera educacion, nutricion y actividad fisico. Mientras cu na HOH ta colecta data cu proposito pa e investigacionnan.
Dr. Busari ta raporta cu e balor agrega di cooperacion tabata hopi importante, manera cu participantenan a cuminsa conoce otro y forma amistad. Na graduacion, conociendo minister di Salud tabata algo leuk pa e muchanan kende a compronde cu nan propio esfuerso ta conta, mas cu nan retonan personal.
Eric Wente, cuater generacion winegrower y chairman Emeritus di e hunta di Wente Vineyards, a yama bon bini na sponsors y hungadonan na e eventonan di e torneo cual a inclui un recepcion di bon bini, 18 holes pa competencia, y un banquet di premionan y sorpresanan.
