Prome edicion di “5 KM Beach Boardwalk” di Aruba Heart Foundation hopi exitoso

ORANJESTAD (AAN): Aruba Heart Foundation a organiza nan prome “5 KM Beach Boardwalk”, diasabra pasa y por bisa cu esaki tabata hopi exitoso.

Aruba Heart Foundation a indica cu luna di September internacionalmente ta luna di curason.

E grupo di participante a sali yen di animo di e beach area banda di Costa Linda te Embassy Suites y a regresa final. Tur a registra y haya nan “pedometer” pa registra nan distancia of caloria. Na final, fuera di appel cu patia, participantenan a haya oportunidad pa haya premionan y tur hende a bay cas masha contento.

Un biaha mas Aruba Heart Foundation kier gradici nan sponsors y tur cu a participa na e caminata aki. Sigur esaki ta duna directiva mas animo pa sigui traha pa Aruba Heart Foundation.