President di Panam Sports hunto cu COA a reuni cu Minister di Deporte

ORANJESTAD (AAN): Dialuna mainta na oficina di Gobierno di Aruba, miembronan di Directiva y Directornan di Comite Olimpico Arubano (COA) hunto cu

Presidente Neven Ilic y Secretaria General Jimena Saldaña di Panam Sports a reuni cu Minister di Deporte mr. Gerlien Croes hunto cu Kristel Brown cu ta encarga cu deporte.

   E reunion a mira un combersacion ameno y fructifero, unda a explora ideanan pa traha riba e desaroyo di deporte na Aruba. Panam Sports a indica di ta hopi dispuesto pa colabora cu Gobierno di Aruba y COA pa yuda logra mehora deportivo di nos isla.

   E siman aki pa dos dia largo, lo tin un Conferencia di Comite Ehecutivo di Panam Sports pa prome biaha na Aruba, y ta wordo mira como un evento historico pa e isla.