ORANJESTAD(AAN): Despues cu pa varios aña tur aña a tuma lugar Copa Noord di softball, desde 2020 esaki no a sosode.
Durante un conferencia di prensa presidente Comision Copa Noord Endy Croes a anuncia cu e aña aki si e torneo ta bay tuma lugar.
El a splica cu e aña aki Copa Noord ta wordo organisa pa Royal Power.
Apertura oficial di e torneo tabata Diabierna 16 di Mei na veld di Kudawecha.
Croes a papia un tiki di e historia di Copa Noord, cu a cuminza na 1979 y a wordo organisa na Montaña.
“Nos por bisa cu for di tempo cu el a cuminda decadanan atras, semper e tabata un torneo hopi populr”.
Ora cu COVID-19 a dal na 2020 nos (Royal Power) tabata den pleno preparacion, pero pa motibonan conoci e Copa a wordo para, segun Croes.
El a sigui bisa cu desde Februari di e aña aki tabata tin diferente reunion cu tur e ekiponan y a pone tur e reglanan bek al dia.
E presidente di comision a indica cu e aña aki ta bay tin un total di 8 ekipo di Noord cu lo participa na e torneo y cada ekipo a haya un buki cu regla.
https://diario.aw/categories/noticia/deporte/porfin-copa-noord-ta-bek#sigProIde0c7b5d951
