Participacion di Aruba Karate Bond na campeonato ‘ABC’ na Corsow

ORANJESTAD (AAN): Recientemente e seleccion di Aruba Karate Bond a sali pa Corsow pa participa na e campeonato ‘ABC’

cual campeonato tur aña ta wordo organiza entre e islanan Aruba, Bonaire y Corsow.

            Despues di un exitoso campeonato ‘ABC’ cu a tuma luga na Aruba na februari 2020 (net un luna prome cu covid-19 a afecta Aruba), e aña aki a toca turno na Corsow.

E atletanan representando Aruba ta Alejandro Gonzalez Lujan y Juan David Velasquez. Ambos a prepara nan mes bon y tin e confianza cu nan lo haci un bon papel na Corsow.

            Hunto cu nan a biaha tambe e coach di seleccion, Lucio Alberto Gonzalez y presidente di Aruba Karate Bond, ‘sensei’ Felix Tromp. Tanto e coach como e presidente ta bay cu e meta pa apoya e seleccion y pa percura pa e contactonan entre Aruba Karate Bond y Curaçao Karate Bond keda actualisa.

            E team di Aruba Karate Bond ta desea Alejandro Gonzalez y Juan David Velasquez tur clase di exito na e campeonato ‘ABC’.