ORANJESTAD (AAN)- Despues cu Diaranzon anochi e directiva di Aruba Softball Bond y umpire y scorenan a topa bek despues di 2 aña pa motibo di pandemia
y pa asina delibera ariba e siguiente plannan cu nan tin prepara, Diahuebs anochi nan a tene un reunion extra ordinario pa asina presenta varios punto riba mesa.
Entre otro nan a pasa riba e reglamentonan di ASB pa Campeonato 2022-2025 cu a bay hopi bon.
Despues a propone na miembronan, mas bien cabayeros pa un open campeonato pa asina cuminza motiva e teamnan bek despues di 2 aña para.
Cu tambe a bai bon ya cu e miembronan a keda encanta cu e idea y a acepta esaki. A pone un fecha mesora pa cuminza esey dia 17 di Juni 2022. E lo bay 1 rond so pa asina e caba lo cuminza di biaha cu e campeonato mes di ASB.
Den Damas te cu awor, a dicidi cu ta ta despues di vakantie grandi, den luna di Augustus lo cuminsa.
Tambe a informa e miembronan cu lo bay bin un umpire certifica di Corsow pa bin duna un refreshment na e cuerpo di umpire y cu nan tambe por acudi na e curso aki. Esaki lo tuma lugar dia 24 Mei te 27 Mei 2022.
A bin hopi ideanan tambe riba mesa caminda directiva lo tene tur na cuenta. Por bisa sigur e reunion a bay den un bon ambiente y tur hende entusiasma pa softbal cuminza bek.
