IBiSA, COA y Aruba Bank ta UNI
ORANJESTAD (AAN): IBiSA, Comite Olimpico Arubano (COA) y Aruba Bank un bes mas ta uni pa celebra “Olympic Day 2022” diasabra 25 di juni, na Compleho Deportivo Guillermo Prospero Trinidad y Entertainment Center.
E celebracion lo consisti di e Olympic Day Run cu ta conta cu participacion den coremento di 1, 2 y 3 kilometer, di mucha di varios scol. Ta recorda tur mayor pa e muchanan tey presente na e ora stipula menciona den e carta ricibi hunto cu e pakete.
E caredanan ta bay tuma lugar den e sistema di ‘heat’ (den grupo), debi na e cantidad di participante (750), y e mihor tempo overall di e prome 3 lugar den cada categoria di edad pa tanto mucha muher como mucha homber ta esnan cu ta wordo premia cu medaya.
Despues di 1,2,3 K tin mas actividad riba programa manera “Meet the Top Athletes” y demostracion di diferente deporte.
IBiSA, COA y Aruba Bank ta conta riba un asistencia grandi pa celebra “Olympic Day 2022”cu e Olympic Day Run 2022.
