Ocho Atleta di Aruba Dolphins a cualifica pa participa na CARIFTA 2023

ORANJESTAD (AAN):   Aruba Dolphins ta masha orguyoso di por anuncia cu un total di 8 atleta a cualifica pa CARIFTA 2023.

Den fin siman AAF a organiza un evento clasificatorio pa e atletanan cu kier participa na Carifta e aña aki.

            Aruba Dolphins su atletanan a resalta y asina 8 a logra esaki. E atletanan cu lo bay Corsou pa CARIFTA lo ta: Jaythan Winterdal, Enrique van den Hengel, Bobby Gibson, Jayrick Winterdal, Liv Farro, Braynsly Dirksz, Arvid Farro & Mikaela van den Berg Smith.

            Cu esaki Aruba Dolphins sin duda a sa di demostra un bes mas c unan ta produci atletanan di calidad.

            Masha pabien na henter team di Aruba Dolphins y Coachnan cu a traha duru pa e logro aki.