ORANJESTAD (AAN): Next Level Cycling recientemente a bautisa nan uniform nobo na Urataca.
Den un entrevista cu Lubeyshca Trott di e team di Next Level Cycling, el a splica cu e grupo di ciclista ta un grupo di famia di Pariba di brug, cu ta inclui tata, yiu sobrino, primo etc., cu a lanta e grupo.
“Nos a lanta riba 18 di Juli 2023 y awor nos a logra haya nos uniform nobo como un team”.
Awor nos kier bay mas dilanti cu e deporte di Mountain Bike cu nos stima, pa poco poco tambe mehora nos nivel, segun Trott.
El a splica cu diferente di nan miembronan ta competi den tur tipo di careda, incluyendo den duo.
Trott a tuma e oportunidad pa gradici e sponsor principal di Next Level Cycling cu ta Caribbean Beton.
El a haci un invitacion tambe na tur hende cu kier forma parti di e famia di Next Level, pa tuma contacto cu e team.
https://diario.aw/categories/noticia/deporte/next-level-cycling-a-bautisa-uniform-nobo#sigProId6f611607a3
