Na final di campeonato regular a nota cu RCA tin impresionante 18 wega invicto

ORANJESTAD (AAN): Diabierna cu a pasa, den e ultimo wega di campeonato regular, Tricolores ta derota e poderoso "Speranza Berde di Savaneta" La Fama cu score di 3-0.

 Asina tambe Soldatnan di Solito ta keda invicto durante full e campeonato 2021-2022, incluyendo Campeon Copa Betico Croes 2022.

   Directiva kier felicita e Staff Tecnico, hungadornan cu ta train durisimo y e fanaticada cu semper ta biba cu e ekipo den bon y malo. Un pabien special ta bay tambe pa nos #9 Jhon Silva cu a score nada menos cu 24 goal durante e campeonato regular. No por keda sin felicita e staff y hungadornan di full e seccion hubenil cu pa tradishon ta reforsa Hoofdklas y duna un calidad halto di futbol.

   E campeonato aki atrobe tabata uno grandi pa e "farm-system" di RCA unda e Coaches y Trainers ta logra nan meta y practicamente tur divishon a yega playoff. RCA ta e organizashon mas grandi di deporte na Aruba cu multiple ekiponan di categorianan Infantil, Hubenil, Damas te na Inter den FEDEVETA. E exito aki ta solamente posibel cu ayudo di tur nos boluntarionan; Leidsters, Coaches, Dirigentenan, Masahista, Colaboradornan y tur Sponsors.

    Directiva ta invita e fanaticada completo pa yega Stadion CDGPT durante playoff pa apoya nos Soldatnan, pero tambe apoya tur otro divishon tricolor cu ta den bataya pa titulo.

    E siman benidero lo ta yegando Aruba e prome cargamento di un bunita "Dri-Fit Jersey" #34 Loading.... cu lo ta obtenibel. E potretnan aki di RCA, pa cortesia Seever Krozendijk.