ORANJESTAD (AAN): Diasabra ultimo COA tabata tin apertura di nan edificio nobo den presencia di varios Mandatario, Presidente di IOC y Presidente di Panam Sports.
Monica Pimentel ta e unico atleta di Taekwondo na Aruba cu a participa na e weganan Olimpico na Rio 2016 y ta coach di Taekwondo Team Aruba. Monica Pimentel tabata tin e honor di hiba palabra cu e Presidente di IOC Thomas Bach y Presidente di Panam Sports Neven Ilic.
Monica Pimentel a presenta Stuart Smit Jr. y Joshua Klaber di Taekwondo Team Aruba na Thomas Bach y nan tabata tin e oportunidad di saca potret hunto.
Sra. Marilu de Veer Council Member di World Taekwondo tabata presente na e apertura. Presidente di Aruba Taekwondo Bond Sr. Moices Fernandez tambe tabata presente y a hiba palabra.
Coach di Para Taekwondo Luciano Mazzeo y atleta Elliott Loonstra tabata presente y a hiba palabra cu varios miembro presente. Despues di e apertura e Team di Taekwondo cu a presencia e apertura a saca potret hunto cu Presidente di IOC Thomas Bach y e Presidente di Panam Sports Neven Ilic.
Monica Pimentel a hiba palabra cu varios mandatario presente ariba e topico di Taekwondo y e plan di 2023.
https://diario.aw/categories/noticia/deporte/monica-pimentel-di-taekwondo-team-aruba-presente-na-e-apertura-di-edificio-di-coa#sigProIdbc55faa91a
