ORANJESTAD (AAN): Diabierna ultimo Minister Endy Croes tabata presente na veld di Dakota pa duna inicio ne prome edicion di Copa Baluarte dedica ne legendario Jubert ‘Jubi’ Richardson.
E legendario Jubi tin un carera impresionante den e mundo di futbol.
E torneo a tuma luna den fin di siman unda ekiponan U11 a bataya contra otro pa logra e titulo maximo di e campeonato. Copa Baluarte 2022 ta patrosina na Brian Auto Parts.
Den un esfera ameno cu hopi emocion y den presencia di famia, ekiponan di U11, comision di S.V. Dakoa, fanatico y invitadonan presente a haci entrega di un bunita reconocemento conmemorativo na sr. Jubi Richardson pa su trabou boluntario y incansabel pa su bario di Dakota. Masha pabien Jubi y famia, un reconocemento na su luga! Danki pa bo amor y pasion pe deporte rey di futbol. Alabes e mandatario ta felicita presidente y miembronan di comision como tambe ne muchanan y boluntarionan pa organisa un torneo super exitoso.
