Den preparacion pa Aruba Open Beach Tennis na november 2022
ORANJESTAD (AAN): Recientemente den un encuentro agradabel Minister Endy Croes a reuni cu sr. Sjoerd de Vries y sr. Mark Kiezebrink di Beach Tennis Aruba. Sr de Vries tin e proyecto di beach tennis cerca di Eagle beach banda di Eagle Resort. Sr. de Vries y sr. Kiezebrink te motornan cu ta organisa e famoso Aruba Open Beach Tennis cu te evento di mas grandi deportivo no solamente na Aruba pero den Caribe.
Desde 2020 door di e Pandemia di Covid 19 nan no por a sigui cu esaki, actualmente tin hopi interes pa organisa e campeonato un biaha mas den luna di november di e aña aki. E Mandatario a sigui bisa cu por a compronde di organisadonan cu tin mas cu mil deportista den e deporte di beach tennis y cu lo ta na Aruba participando den diferente categoria.
E representantenan di Aruba Beach Tennis a pidi e Mandatario di Deporte pa sosten y atencion pa unda e cancha probablemente lo mester bin na ex Bushiri y di parti di Gobierno di Aruba su contribucion ta pa pone beach cla. E Mandatario a priminti cu atravez di DOW lo haci e conexionnan y claro nan ta conta cu e sosten y di Gobierno y Ministerio di Deporte pa cu e proyecto aki. Aruba Open Beach Tennis ta priminti di bira un evento hopi grandi.
