Mikel Schreuders a gana medaya di oro den 100 meter estilo liber den Weganan Suramericano

ASUNCION: Pa prome biaha den historia di Weganan Suramericano, Aruba a gana un medaya di oro.

Landado Mikel Schreuders a logra a gana medaya di oro den 100 meter estilo liber y tambe ayeranochi DIARIO a haya informacion cu el a gana medaya di plata den 50 meter breaststroke.

Den ora di mainta Mikel a splica cu el a califica den di cuatro tempo y e tabatin speranza cu e por a logra otro medaya. E mes a indica cu e ta contento cu su prestacion y di logra otro medaya pa Aruba.

Mikel ta riba puesto 13 di mihor landado di 50m breaststroke y di 15 den 100m freestyle. Pabien Mikel y Comite Olimpico Arubano pa mustra e calidad di nos atletanan Arubano y yena nos cu orguyo nacional.

Weganan Suramericano lo tuma lugar di Diasabra 1 di October te cu Diasabra 15 di October na e capital di Paraguay.