Michell Alvarez a tira 9 inning y a bati dos hit y Braves a gana Rockets 4-1

ORANJESTAD(AAN): Diadomingo atardi den stadion Chrismo/Nadi Croes e campeonato di  Baseball Doble-A  continua, unda cu Braves a logra un triunfo di 4-1 riba Rockets.

Pitcher ganador tabata Michell Alvarez kende a tira un wega completo y a permiti 8 hit, 2 base por bola y 1 careda, mientras cu el a poncha 7 bateador.

Pitcher perdedor tabata Carlos Maduro, kende den 7 inning a permiti 5 hit, e base por bola y 4 careda, mientras cu el a poncha 5 bateador.

Mihor bateadornan pa Braves tabata Michell Alvarez 4-2, Danniree Tromp 3-2 y Moises Castillo 5-1.

Tromp a impulsa 2 careda y Alvarez a impulsa 1, mientras cu e otro careda di Braves a wordo impulsa pa Giovanni Lane.

Mihor bateadornan pa Rockets tabata Jean Marc Koolman 4-3, Yosiel Jacobs 2-1 y Jair Dijkhoff 1-1.

E unico careda di Rockets a wordo impulsa pa Danilo Croes.