Luis Duty Kock a gana careda di Cuts-Curves den 1 ora y 8 minuut

ORANJESTAD (AAN); Den fin di siman cu a pasa, tabatin e exitoso Cuts & Curves Run & Walk,

unda un total di 600 persona a participa den esaki.  Nan a bay pa sea e reto di 11 miya, te na e careda di 200 meter pa muchanan.

   E careda di 11 miya a sali for di Cuts & Curves na San Nicolas rumbo pa Cuts & Curves na Rotonde Paperclip na Sero Patrishi.  Tambe tabatin e careda di 5 km cu a sali for di Mahuma.  E careda di Relay di 11 Miya a start di Rooi Frances, direccion Hooiberg, yega WVB Boulevard y caba na Cuts & Curves.

   E ganadornan principal di e careda aki tabata Luis Duty Kock cu a core esaki den 1:08:35, perteneciente na team Train Hard Race Easy.  E ganadora di categoria femenino ta Lana Gobert di team Sportsz4U Triathlon Academy kende a core den 1:18:34.

   Na final, un pabien na e organizacion di Cuts & Curves cu un fenomenal competencia, y por a mira cu tur participante a keda satisfecho cu e ruta.